ឡូយម៉េះ!: អាជ័យ

នៅជនបទដាច់ស្រយ៉ាល ក្នុងគ្រួសារមួយ ពីរនាក់ម្តាយនិងកូន មានជីវភាពរស់នៅធម្មតាតាមជីវភាពជនបទ។ នៅពេលម្តាយស្លម្អូបថ្ងៃត្រង់ក៏អស់អំបិល ពេលនោះម្តាយក៏ស្រែកហៅកូនគាត់ដែលកំពុងជម្រះស្មៅក្រោយផ្ទះ។

ម្តាយ៖ អើ!អាជ័យ?

អាជ័យ៖ បាទម៉ែ!!!

ម្តាយ៖ ហែងមកនេះ ទៅទិញអំបិលឲ្យអញបន្តិចមក

អាជ័យយកលុយហើយរត់ទៅវឹង ពេលនោះម្តាយគាត់ស្រែក

ម្តាយ៖ ឆ្លងផ្លូវប្រយ័ត្នប្រយែងវើយ! ចាំឡានទៅផុតចាំឆ្លងណា ឡានឥឡូវបើកលឿនៗណាស់

អាជ័យ៖ ខ្ញុំដឹងហើយម៉ែ...

ដោយរង់ចាំកូនយូរពេក មិនឃើញត្រលប់មកវិញ ម្តាយក៏ភ័យខ្លាចកូនមានគ្រោះថ្នាក់អីកើតឡើងក៏ទៅតាម។

ពេលដើរទៅដល់ក៏ឃើញ​អាជ័យកំពុងតែអង្គុយសម្លឹងមើលឆ្វេងស្តាំៗ ចុះឡើងៗ។ 

ម្តាយ៖ ហែងធ្វើអីហ្នឹង? ឯណាអំបិល?

អាជ័យ៖ ខ្ញុំអត់ទាន់ទៅផង

ម្តាយ៖ ម៉េចបានមិនទៅទិញ?

អាជ័យ៖ អត់មានឡានផង

ម្តាយ៖ អុញ...